依兩三個星期變成眼淺ge 人，眼淚在心裡開始流，湧到上眼眶，流晒出o黎...... 5月17號，哈，未試過o係咁多人面前喊呢（成幾百人呀）~唉，明明同自己講20號先盡情喊啦，點知？！彌撒入面未唱到第二節，一上台望到呂神就o黎料...多謝主安排我可以企o係中間，望住神父仔，望住依位亦師亦友，睇到佢都好唔捨得，我都係.... 5月18號，派「錢」禮，認認真真參與青年彌撒。劉神父講道理時，聽到佢有d 嗚咽，我自己又滿眶眼淚喇...到神父仔致謝辭，死忍死忍...
到夜晚，去o左神父仔屋企BBQ。睇下佢間房係點，典型男仔房 去o左set Wii，不過唔捨得浪費同佢ge 時間，結果冇玩到又坐番出去。圍住一齊彈結他唱歌，飲下啤酒紅酒，大家都hihi地；自己手癢買o左支「竹葉青」o黎試下咩味，飲o左兩三啖，上晒腦，一唱首歌（已經唔記得係咩歌，記得ge 麻煩提提我！）d 眼淚又如泉湧...唔只我，望向其他青年， ...真係一個好難忘ge 晚上！ 5月19號，番到學校忙忙忙，又有四川地震ge board 要整，要睇晒要選擇用咩災情新聞去貼，又有堅振班，仲有要準備放學ge KATSO 活動，仲有星期六日ge 傷感，心情差到貼地。食飯時終於忍唔住喊o左出o黎...根本吞唔落d 飯餸，喉嚨好似塞住o左咁....好艱難先食o左大半盒飯，其他都倒晒落垃圾桶喇。 5月20號，最唔想到o個日，終於都到喇。放工即飛番沙田join 埋d 青年出發。一路上同去到機場時都仲有講有笑，不過見到神父仔出現，就知要count down 喇。慢慢行去機場祈禱室，入去，協助佈置祭台，默默咁去做。之後行番去最後坐低，心情都唔知點形容....整台彌撒都係成泡眼淚在眼中，到最後完彌撒時，終於喊出o黎，喊住同佢擁抱，同佢講「要大家一齊努力讀書...」睇番相，先知佢輕拍過我個頭，用o左佢唯一可以做到ge 動作去安慰我。 出番去外面，大家就重現歡笑，我相信已經比o左神父仔一個最美好ge 回憶。佢入閘之後，大家都好平靜咁離開喇。我地幾個食完飯，神父仔竟然打電話番出o黎！我地幾個講完後，我最後接番o黎聽時，佢已經....我都已經....應承o左佢一樣o野之後就收線喇。 5月26號send o左封email比神父仔，同佢講聲happy birthday。28號我早上番工，坐o係位到食早餐check email 時，收到佢reply，我又喊喇....好在對面老師去o左上堂o者 6月2號，寫到依家，我又喊o左一次.... 尋日見到劉神父，同佢打招呼，跟住好自然咁搭住佢膊頭，你眼望我眼，大家都知道大家想梗邊個。 神父仔，唔駛擔心我地，比心機讀書呀！求天主保守呂神父，讓佢於喜樂時與主分享，憂慮時投靠主，困難時蒙主助佑。亦求主賜予佢足夠智慧同力量，學習好知識，好使能運用所學知識，牧養主ge 子民。亞孟。 前路與你共行 留下雙雙足印 | 
